T-20 ਤੇ ਵਨਡੇ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਰਿੰਕੂ ਸਿੰਘ ਟੈਸਟ ਮੈਚ ਵਿੱਚ ਇਸ ਖਿਡਾਰੀ ਦੀ ਥਾਂ ਮੈਦਾਨ ‘ਚ ਉਤਰੇ

ਦੱਖਣੀ ਅਫਰੀਕਾ ਦੌਰੇ ‘ਤੇ ਭਾਰਤੀ ਟੀਮ ਦੀ ਟੈਸਟ ਸੀਰੀਜ਼ ਦਾ ਸਭ ਨੂੰ ਇੰਤਜ਼ਾਰ ਸੀ। ਕਪਤਾਨ ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ ਅਤੇ ਜਸਪ੍ਰੀਤ ਬੁਮਰਾਹ ਆਈਸੀਸੀ ਵਨਡੇ ਵਿਸ਼ਵ ਕੱਪ ਤੋਂ ਬਾਅਦ ਪਹਿਲੀ ਵਾਰ ਮੈਦਾਨ ਵਿੱਚ ਉਤਰਨ ਵਾਲੇ ਸਨ। ਸੈਂਚੁਰੀਅਨ ‘ਚ ਬਾਕਸਿੰਗ ਡੇਅ ਟੈਸਟ ‘ਚ ਟੀਮ ਇੰਡੀਆ ਦੇ ਚੋਟੀ ਦੇ ਬੱਲੇਬਾਜ਼ ਫਲਾਪ ਰਹੇ ਅਤੇ ਪੂਰੀ ਟੀਮ ਪਹਿਲੀ ਪਾਰੀ ‘ਚ 245 ਦੌੜਾਂ ‘ਤੇ ਢੇਰ ਹੋ ਗਈ। ਕੇਐੱਲ ਰਾਹੁਲ ਦੇ ਸੈਂਕੜੇ ਤੋਂ ਇਲਾਵਾ ਮੈਚ ਦੌਰਾਨ ਇੱਕ ਹੋਰ ਅਜਿਹਾ ਖਿਡਾਰੀ ਸੀ ਜਿਸ ਦੀ ਪ੍ਰਫਾਰਮੈਂਸ ਨੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕਰ ਦਿੱਤਾ। ਟੀ-20 ਦੀ ਸਨਸਨੀ ਬਣ ਕੇ ਉਭਰੇ ਰਿੰਕੂ ਸਿੰਘ ਦੂਜੇ ਦਿਨ ਦੀ ਖੇਡ ਵਿੱਚ ਫੀਲਡਿੰਗ ਕਰਦੇ ਨਜ਼ਰ ਆਏ। ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਖੇਡੀ ਜਾ ਰਹੀ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਦੂਜੇ ਦਿਨ ਕੁਝ ਅਜਿਹਾ ਦੇਖਣ ਨੂੰ ਮਿਲਿਆ, ਜਿਸ ਦੀ ਕਿਸੇ ਨੂੰ ਉਮੀਦ ਨਹੀਂ ਸੀ। ਸੈਂਚੁਰੀਅਨ ਟੈਸਟ ਮੈਚ ‘ਚ ਟੀ-20 ਅਤੇ ਵਨਡੇ ਸੀਰੀਜ਼ ਦੌਰਾਨ ਛੱਕੇ ਲਗਾਉਣ ਵਾਲੇ ਰਿੰਕੂ ਸਿੰਘ ਨੇ ਮੈਦਾਨ ‘ਚ ਉਤਾਰਿਆ ਗਿਆ। ਪਹਿਲੇ ਦਿਨ ਡਕ ਆਊਟ ਹੁੰਦੇ ਨਜ਼ਰ ਆਏ ਇਸ ਖਿਡਾਰੀ ਨੂੰ ਮੈਚ ਦੌਰਾਨ ਫੀਲਡਿੰਗ ਕਰਨ ਦਾ ਮੌਕਾ ਮਿਲਿਆ।

ਰਿੰਕੂ ਸਿੰਘ ਨੇ ਕਿਸ ਖਿਡਾਰੀ ਦੀ ਥਾਂ ਲਈ?
ਦੱਖਣੀ ਅਫਰੀਕਾ ਖਿਲਾਫ ਦੂਜੇ ਦਿਨ ਦੇ ਖੇਡ ‘ਚ ਭਾਰਤੀ ਟੀਮ ਪਹਿਲੀ ਪਾਰੀ ‘ਚ 245 ਦੌੜਾਂ ਦੇ ਸਕੋਰ ‘ਤੇ ਆਲ ਆਊਟ ਹੋ ਗਈ। ਇਸ ਤੋਂ ਬਾਅਦ 30ਵੇਂ ਓਵਰ ‘ਚ ਗੇਂਦਬਾਜ਼ੀ ਕਰਦੇ ਹੋਏ ਰਿੰਕੂ ਸਿੰਘ ਬਾਊਂਡਰੀ ਵੱਲ ਭੱਜਦੇ ਹੋਏ ਅਤੇ ਫੀਲਡਿੰਗ ਕਰਦੇ ਹੋਏ ਗੇਂਦ ਨੂੰ ਰੋਕਦੇ ਹੋਏ ਨਜ਼ਰ ਆਏ। ਇਸ ਗੱਲ ਦੀ ਚਰਚਾ ਹੈ ਕਿ ਟੀਮ ਲਿਸਟ ‘ਚ ਉਸ ਦਾ ਨਾਮ ਨਾ ਹੋਣ ‘ਤੇ ਉਹ ਬਦਲਵੇਂ ਖਿਡਾਰੀ ਦੇ ਰੂਪ ‘ਚ ਮੈਦਾਨ ‘ਤੇ ਕਿਵੇਂ ਆਏ। 12ਵੇਂ ਖਿਡਾਰੀ ਦੀ ਜਗ੍ਹਾ ਕੇਐਸ ਭਰਤ ਦਾ ਨਾਂ ਸੀ ਪਰ ਰਿੰਕੂ ਸਿੰਘ ਮੈਦਾਨ ਵਿੱਚ ਆਏ। 13ਵੇਂ ਖਿਡਾਰੀ ਦੀ ਜਗ੍ਹਾ ਮੁਕੇਸ਼ ਕੁਮਾਰ ਅਤੇ 14ਵੇਂ ਖਿਡਾਰੀ ਦੀ ਜਗ੍ਹਾ ਰਵਿੰਦਰ ਜਡੇਜਾ ਸਨ।

ਕੀ ਕਹਿੰਦੇ ਹਨ ICC ਦੇ ਨਿਯਮ?
ਆਈਸੀਸੀ ਦੇ ਨਿਯਮਾਂ ਅਨੁਸਾਰ, ਕੋਈ ਵੀ ਟੀਮ ਟੈਸਟ ਮੈਚ ਦੌਰਾਨ ਬਦਲਵੀਂ ਟੀਮ ਸ਼ੀਟ ‘ਤੇ ਵੱਧ ਤੋਂ ਵੱਧ 6 ਖਿਡਾਰੀਆਂ ਨੂੰ ਨਾਮਜ਼ਦ ਕਰ ਸਕਦੀ ਹੈ। ਜਿਨ੍ਹਾਂ ਖਿਡਾਰੀਆਂ ਦੇ ਨਾਂ ਇਸ ‘ਤੇ ਦਰਜ ਹਨ, ਉਹ ਮੈਚ ਦੌਰਾਨ ਕਿਸੇ ਹੋਰ ਖਿਡਾਰੀ ਦੀ ਥਾਂ ‘ਤੇ ਫੀਲਡਿੰਗ ਕਰ ਸਕਦੇ ਹਨ ਜੋ ਜ਼ਖਮੀ ਹੈ ਜਾਂ ਜਿਸ ਨੂੰ ਰੈਸਟ ਲਈ ਕਿਹਾ ਗਿਆ ਹੈ। ਕੁਝ ਖਾਸ ਸਥਿਤੀਆਂ ਵਿੱਚ, ਮੈਚ ਰੈਫਰੀ ਦੂਜੇ ਖਿਡਾਰੀਆਂ ਨੂੰ ਵੀ ਮੈਦਾਨ ਵਿੱਚ ਆਉਣ ਦੀ ਇਜਾਜ਼ਤ ਦੇ ਸਕਦਾ ਹੈ।