ਭਾਰਤੀ ਡਿਜੀਟਲ ਭੁਗਤਾਨ ਦੁਨੀਆ ‘ਚ ਪ੍ਰਸਿੱਧ ! UPI ਨੂੰ ਸ੍ਰੀਲੰਕਾ ‘ਚ 12 ਫਰਵਰੀ ਨੂੰ ਕੀਤਾ ਜਾਵੇਗਾ ਲਾਂਚ, ਵਿਦੇਸ਼ ਮੰਤਰੀ ਨੇ ਕੀਤਾ ਐਲਾਨ
ਸ੍ਰੀਲੰਕਾ ਦੇ ਵਿਦੇਸ਼ ਮੰਤਰੀ ਅਲੀ ਸਾਬਰੀ ਨੇ ਇੱਕ ਮਹੱਤਵਪੂਰਨ ਘੋਸ਼ਣਾ ਕਰਦੇ ਹੋਏ ਕਿਹਾ ਹੈ ਕਿ ਭਾਰਤ ਦੀ ਪ੍ਰਸਿੱਧ ਡਿਜੀਟਲ ਭੁਗਤਾਨ ਪ੍ਰਣਾਲੀ ਯੂਪੀਆਈ (ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ) ਨੂੰ 12 ਫਰਵਰੀ ਤੋਂ ਦੇਸ਼ ਵਿੱਚ ਲਾਂਚ ਕੀਤਾ ਜਾ ਰਿਹਾ ਹੈ। ਇਹ ਕਦਮ ਨਾ ਸਿਰਫ਼ ਦੋਵਾਂ ਦੇਸ਼ਾਂ ਵਿਚਕਾਰ ਡਿਜੀਟਲ ਲੈਣ-ਦੇਣ ਨੂੰ ਆਸਾਨ ਅਤੇ ਸੁਰੱਖਿਅਤ ਬਣਾਏਗਾ, ਸਗੋਂ ਭਾਰਤ ਦੀ ਡਿਜੀਟਲ ਭੁਗਤਾਨ ਪ੍ਰਣਾਲੀ ਦੀ ਵਿਸ਼ਵਵਿਆਪੀ ਸਵੀਕ੍ਰਿਤੀ ਨੂੰ ਵੀ ਹੁਲਾਰਾ ਦੇਵੇਗਾ।
ਯੂਪੀਆਈ ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਭਾਰਤ ਵਿੱਚ ਕ੍ਰਾਂਤੀਕਾਰੀ ਤਬਦੀਲੀਆਂ ਲਿਆਂਦੀਆਂ ਹਨ। ਤੇਜ਼, ਘੱਟ ਮਹਿੰਗਾ ਅਤੇ ਸੁਰੱਖਿਅਤ ਲੈਣ-ਦੇਣ ਦੀ ਸਹੂਲਤ ਦੇਣ ਵਾਲੀ ਇਸ ਪ੍ਰਣਾਲੀ ਨੇ ਨਕਦੀ ਦੀ ਵਰਤੋਂ ਨੂੰ ਤੇਜ਼ੀ ਨਾਲ ਘਟਾ ਦਿੱਤਾ ਹੈ। ਇਸ ਦੀ ਸਫਲਤਾ ਨੂੰ ਦੇਖਦੇ ਹੋਏ ਹੁਣ ਕਈ ਹੋਰ ਦੇਸ਼ ਵੀ UPI ਨੂੰ ਅਪਣਾਉਣ ‘ਚ ਦਿਲਚਸਪੀ ਦਿਖਾ ਰਹੇ ਹਨ।
ਸ੍ਰੀਲੰਕਾ ਵਿੱਚ UPI ਦੇ ਲਾਂਚ ਹੋਣ ਨਾਲ ਦੋਵਾਂ ਦੇਸ਼ਾਂ ਨੂੰ ਕਈ ਫਾਇਦੇ ਹੋਣਗੇ। ਸ਼੍ਰੀਲੰਕਾ ਦੇ ਨਾਗਰਿਕ ਭਾਰਤ ‘ਚ ਆਸਾਨੀ ਨਾਲ ਖਰੀਦਦਾਰੀ ਕਰ ਸਕਣਗੇ ਅਤੇ ਭਾਰਤੀ ਸੈਲਾਨੀ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਸ਼੍ਰੀਲੰਕਾ ‘ਚ ਭੁਗਤਾਨ ਕਰ ਸਕਣਗੇ। ਇਸ ਨਾਲ ਸੈਰ-ਸਪਾਟੇ ਅਤੇ ਵਪਾਰ ਨੂੰ ਹੁਲਾਰਾ ਮਿਲਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਦੋਹਾਂ ਦੇਸ਼ਾਂ ਦੇ ਨਾਗਰਿਕਾਂ ਵਿਚਾਲੇ ਸਰਹੱਦ ਪਾਰ ਦਾ ਲੈਣ-ਦੇਣ ਵੀ ਆਸਾਨ ਹੋ ਜਾਵੇਗਾ।
ਹੁਣ ਤੱਕ ਇਨ੍ਹਾਂ ਦੇਸ਼ਾਂ ਵਿੱਚ UPI ਕੀਤਾ ਗਿਆ ਲਾਂਚ
ਸਿੰਗਾਪੁਰ: UPI-PayNow ਲਿੰਕ ਭਾਰਤ ਅਤੇ ਸਿੰਗਾਪੁਰ ਵਿਚਕਾਰ 2022 ਵਿੱਚ ਲਾਂਚ ਕੀਤਾ ਗਿਆ ਸੀ।
ਭੂਟਾਨ: BHIM-UPI ਭੂਟਾਨ ਐਪ ਭਾਰਤ ਅਤੇ ਭੂਟਾਨ ਵਿਚਕਾਰ 2022 ਵਿੱਚ ਲਾਂਚ ਕੀਤੀ ਗਈ।
ਨੇਪਾਲ: NIPL-ਨੇਪਾਲ ਪੇਮੈਂਟਸ ਗੇਟਵੇ ਭਾਰਤ ਅਤੇ ਨੇਪਾਲ ਵਿਚਕਾਰ 2022 ਵਿੱਚ ਸ਼ੁਰੂ ਕੀਤਾ ਗਿਆ।
ਸੰਯੁਕਤ ਅਰਬ ਅਮੀਰਾਤ (UAE): UPI-ਸਿੱਧਾ ਲਿੰਕ ਭਾਰਤ ਅਤੇ UAE ਵਿਚਕਾਰ 2023 ਵਿੱਚ ਸ਼ੁਰੂ ਕੀਤਾ ਗਿਆ।
ਫਰਾਂਸ: UPI-Paylib ਲਿੰਕ 2023 ਵਿੱਚ ਭਾਰਤ ਅਤੇ ਫਰਾਂਸ ਵਿਚਕਾਰ ਸ਼ੁਰੂ ਹੋਇਆ।
ਇਸ ਤੋਂ ਇਲਾਵਾ, ਭਾਰਤ ਸਰਕਾਰ ਹੇਠਲੇ ਦੇਸ਼ਾਂ ਵਿੱਚ UPI ਨੂੰ ਸ਼ੁਰੂ ਕਰਨ ਲਈ ਸਰਗਰਮੀ ਨਾਲ ਗੱਲਬਾਤ ਕਰ ਰਹੀ ਹੈ-
ਮਲੇਸ਼ੀਆ
ਥਾਈਲੈਂਡ
ਕਤਾਰ
ਓਮਾਨ
ਸਾਊਦੀ ਅਰਬ
ਯੁਨਾਇਟੇਡ ਕਿਂਗਡਮ
ਸੰਯੁਕਤ ਰਾਜ ਅਮਰੀਕਾ
