ਇੰਡੋਨੇਸ਼ੀਆ ‘ਚ ਮਾਊਂਟ ਮਾਰਾਪੀ ਜਵਾਲਾਮੁਖੀ ਫਟਣ ਨਾਲ 11 ਪਰਬਤਾਰੋਹੀਆਂ ਦੀ ਮੌਤ, ਨਿਵਾਸੀਆਂ ਨੂੰ ਅਲਰਟ ਜਾਰੀ
ਇੰਡੋਨੇਸ਼ੀਆ ‘ਚ ਜਵਾਲਾਮੁਖੀ ਫਟਣ ਕਾਰਨ 11 ਪਰਬਤਾਰੋਹੀਆਂ ਦੀ ਮੌਤ ਹੋ ਗਈ। ਬਚਾਅ ਅਧਿਕਾਰੀ ਅਨੁਸਾਰ, ਪੱਛਮੀ ਸੁਮਾਤਰਾ ਵਿਚ ਮਾਰਾਪੀ ਜਵਾਲਾਮੁਖੀ ਫਟਣ ਨਾਲ ਸੋਮਵਾਰ ਨੂੰ ਘੱਟੋ ਘੱਟ 11 ਪਰਬਤਾਰੋਹੀਆਂ ਦੀ ਮੌਤ ਹੋ ਗਈ। ਜ਼ਿਕਰਯੋਗ ਹੈ ਕਿ ਸੁਰੱਖਿਆ ਕਾਰਨਾਂ ਕਰਕੇ 12 ਹੋਰ ਲਾਪਤਾ ਲੋਕਾਂ ਦੀ ਭਾਲ ਅਸਥਾਈ ਤੌਰ ‘ਤੇ ਰੋਕ ਦਿੱਤੀ ਗਈ ਸੀ।
11 ਪਰਬਤਾਰੋਹੀਆਂ ਦੀ ਮੌਤ
ਖੋਜ ਤੇ ਬਚਾਅ ਦਲ ਦੇ ਬੁਲਾਰੇ ਜੋਡੀ ਹਰਿਆਵਨ ਨੇ ਕਿਹਾ ਕਿ ਸੋਮਵਾਰ ਨੂੰ 11 ਪਰਬਤਾਰੋਹੀਆਂ ਦੀਆਂ ਲਾਸ਼ਾਂ ਅਤੇ ਤਿੰਨ ਬਚੇ ਹੋਏ ਲੋਕਾਂ ਦੀਆਂ ਲਾਸ਼ਾਂ ਮਿਲੀਆਂ ਹਨ। ਐਤਵਾਰ ਨੂੰ ਹੋਏ ਧਮਾਕੇ ਸਮੇਂ ਇਲਾਕੇ ‘ਚ 75 ਲੋਕ ਮੌਜੂਦ ਸਨ।
ਐਤਵਾਰ ਨੂੰ 2,891-ਮੀਟਰ (9,485 ਫੁੱਟ) ਉੱਚਾ ਜਵਾਲਾਮੁਖੀ ਫਟਿਆ, ਜਿਸ ਤੋਂ ਬਾਅਦ ਅਧਿਕਾਰੀਆਂ ਨੇ ਅਲਰਟ ਨੂੰ ਉੱਚੇ ਪੱਧਰ ‘ਤੇ ਵਧਾ ਦਿੱਤਾ ਤੇ ਨਿਵਾਸੀਆਂ ਦੀ ਆਵਾਜਾਈ ‘ਤੇ ਵੀ ਰੋਕ ਲਗਾ ਦਿੱਤੀ ਗਈ। ਵੀਡੀਓ ਫੁਟੇਜ ਵਿਚ ਦਿਖਾਇਆ ਗਿਆ ਹੈ ਕਿ ਜਵਾਲਾਮੁਖੀ ਦਾ ਰਾਖ ਦਾ ਵਿਸ਼ਾਲ ਪੂਰੇ ਅਸਮਾਨ ਵਿਚ ਫੈਲਿਆ ਹੋਇਆ ਹੈ ਅਤੇ ਕਾਰਾਂ ਅਤੇ ਸੜਕਾਂ ਸੁਆਹ ਨਾਲ ਢਕੀਆਂ ਪਈਆਂ ਹਨ।
49 ਪਰਬਤਾਰੋਹੀਆਂ ਨੂੰ ਸੋਮਵਾਰ ਤੜਕੇ ਖੇਤਰ ਤੋਂ ਬਾਹਰ ਕੱਢਿਆ ਗਿਆ ਅਤੇ ਕਈਆਂ ਦਾ ਸੜਨ ਕਾਰਨ ਇਲਾਜ ਕੀਤਾ ਗਿਆ। ਜ਼ਿਕਰਯੋਗ ਹੈ ਕਿ ਮਾਰਾਪੀ ਸੁਮਾਤਰਾ ਟਾਪੂ ‘ਤੇ ਸਭ ਤੋਂ ਵੱਧ ਸਰਗਰਮ ਜਵਾਲਾਮੁਖੀ ਵਿੱਚੋਂ ਇੱਕ ਹੈ ਅਤੇ ਇਸ ਦਾ ਸਭ ਤੋਂ ਖ਼ਤਰਨਾਕ ਵਿਸਫੋਟ ਅਪ੍ਰੈਲ 1979 ਵਿਚ ਹੋਇਆ ਸੀ, ਜਦੋਂ 60 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਸਾਲ ਇਹ ਜਨਵਰੀ ਅਤੇ ਫਰਵਰੀ ਦੇ ਵਿਚਕਾਰ ਫਟਿਆ ਅਤੇ ਸਿਖਰ ਤੋਂ ਲਗਭਗ 75m-1,000 ਮੀਟਰ ਦੀ ਦੂਰੀ ਤੱਕ ਸੁਆਹ ਸੁੱਟ ਰਿਹਾ ਸੀ। ਜਵਾਲਾਮੁਖੀ ਏਜੰਸੀ ਅਨੁਸਾਰ ਇੰਡੋਨੇਸ਼ੀਆ ਪ੍ਰਸ਼ਾਂਤ ਮਹਾਸਾਗਰ ਦੇ ‘ਰਿੰਗ ਆਫ਼ ਫਾਇਰ’ ‘ਤੇ ਸਥਿਤ ਹੈ ਅਤੇ ਇਸ ਵਿਚ 127 ਸਰਗਰਮ ਜਵਾਲਾਮੁਖੀ ਹਨ।
