ਆਧਾਰ ਕਾਰਡ ਹੋਲਡਰ ਧਿਆਨ ਦੇਣ, ਡਿਜੀਟਲ ਧੋਖਾਧੜੀ ਦਾ ਤੁਸੀਂ ਵੀ ਹੋ ਸਕਦੇ ਹੋ ਸ਼ਿਕਾਰ; ਭੁੱਲ ਕੇ ਵੀ ਨਾ ਕਰੋ ਇਹ ਕੰਮ
ਹਾਲ ਹੀ ਵਿੱਚ ਸਰਕਾਰ ਨੇ ਡਿਜੀਟਲ ਧੋਖਾਧੜੀ ਨੂੰ ਲੈ ਕੇ 70 ਲੱਖ ਮੋਬਾਈਲ ਨੰਬਰਾਂ ਨੂੰ ਸਸਪੈਂਡ ਕੀਤਾ ਹੈ। ਆਧਾਰ ਯੋਗ ਭੁਗਤਾਨ ਪ੍ਰਣਾਲੀ ਨਾਲ ਜੁੜੀ ਧੋਖਾਧੜੀ ਨੂੰ ਲੈ ਕੇ ਜਨਵਰੀ ‘ਚ ਮੀਟਿੰਗ ਹੋਣ ਜਾ ਰਹੀ ਹੈ। ਇਸ ਕੜੀ ‘ਚ ਆਧਾਰ ਕਾਰਡ ਹੋਲਡਰ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਧਾਰ ਨਾਲ ਜੁੜੀਆਂ ਕੁਝ ਜ਼ਰੂਰੀ ਗੱਲਾਂ ਨੂੰ ਧਿਆਨ ‘ਚ ਰੱਖਣ।
ਧਿਆਨ ਵਿੱਚ ਰੱਖੋ ਤੁਹਾਨੂੰ ਕਿਸੇ ਵੀ UIDAI ਅਧਿਕਾਰੀ ਦੁਆਰਾ ਆਧਾਰ ਨਾਲ ਲਿੰਕ ਕੀਤੇ OTP ਲਈ ਨਹੀਂ ਕਿਹਾ ਜਾਂਦਾ ਹੈ। ਇਸ ਲਈ ਆਧਾਰ ਕਾਰਡ ਹੋਲਡਰ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਪਣਾ OTP ਅਤੇ ਆਧਾਰ ਮੋਬਾਈਲ ਐਪ ਪਾਸਵਰਡ ਕਿਸੇ ਨਾਲ ਸਾਂਝਾ ਨਾ ਕਰਨ।
ਤੁਹਾਡਾ ਆਧਾਰ ਕਾਰਡ ਨੰਬਰ ਤੁਹਾਡੀ ਪਛਾਣ ਨਾਲ ਜੁੜਿਆ ਹੋਇਆ ਹੈ। ਗ਼ਲਤੀ ਨਾਲ ਵੀ ਆਪਣਾ ਆਧਾਰ ਕਾਰਡ ਨੰਬਰ ਕਿਸੇ ਵੀ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਸਾਂਝਾ ਨਾ ਕਰੋ।
ਆਧਾਰ ਕਾਰਡ ਪ੍ਰਿੰਟ ਕਰਵਾਉਣ ਦੀ ਬਜਾਏ ਡਿਜੀਟਲ ਕਾਪੀ ਦੀ ਵਰਤੋਂ ਕਰੋ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਕਿਸੇ ਸਾਈਬਰ ਕੈਫੇ ਤੋਂ ਆਧਾਰ ਕਾਰਡ ਪ੍ਰਿੰਟ ਕਰਵਾ ਰਹੇ ਹੋ ਤਾਂ ਯਕੀਨੀ ਤੌਰ ‘ਤੇ ਇਸ ਦੀ ਕਾਪੀ ਨੂੰ ਡਿਲੀਟ ਕਰਵਾਓ।
ਜੇਕਰ ਤੁਸੀਂ ਆਧਾਰ ਨੂੰ ਆਨਲਾਈਨ ਅਪਡੇਟ ਕਰਨਾ ਚਾਹੁੰਦੇ ਹੋ ਤਾਂ UIDAI ਦੀ ਅਧਿਕਾਰਤ ਵੈੱਬਸਾਈਟ (https://uidai.gov.in/en/my-aadhaar/update-aadhaar.html) ‘ਤੇ ਜਾਓ। ਕਿਸੇ ਹੋਰ ਵੈੱਬਸਾਈਟ ‘ਤੇ ਕਿਸੇ ਵੀ ਤਰ੍ਹਾਂ ਦੀ ਸੇਵਾ ਲੈਣ ਤੋਂ ਬਚੋ।
ਆਧਾਰ ਬੇਸਡ ਟਰਾਂਜੇਕਸ਼ਨ ਨੂੰ ਨਜ਼ਰਅੰਦਾਜ਼ ਕਰਨਾ ਚਾਹੁੰਦੇ ਹੋ ਤਾਂ UIDAI ’ਚ ਆਪਣੇ ਬਾਇਓਮੈਟ੍ਰਿਕਸ ਨੂੰ ਲਾਕ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਆਧਾਰ ਕਾਰਡ ਦੀ ਵਰਤੋਂ ਨੂੰ ਜਾਣਨ ਲਈ ਤੁਸੀਂ ਹਿਸਟਰੀ ਨੂੰ ਟ੍ਰੈਕ ਕਰ ਸਕਦੇ ਹੋ। UIDAI ਦੀ ਆਫਿਸ਼ੀਅਲ ਵੈੱਬਸਾਈਟ ’ਤੇ ਆਪਣੀ ਯੂਨਿਕ ਆਈਡੈਂਟੀਫਿਕੇਸ਼ਨ ਕੋਡ ਦੀ ਵਰਤੋਂ ਦੀ ਪੂਰੀ ਡਿਟੇਲ ਪਾ ਸਕਦੇ ਹਨ।
ਆਧਾਰ ਕਾਰਡ ਨੂੰ ਅਡੈਂਟਿਟੀ ਪਰੂਫ ਦੀ ਤਰ੍ਹਾਂ ਜਮ੍ਹਾ ਕਰਾ ਰਹੇ ਹੋ ਤਾਂ ਇਸਦੇ ਉੱਪਰ ਆਧਾਰ ਸ਼ੇਅਰ ਕਰਨ ਦਾ ਕਾਰਨ ਜ਼ਰੂਰ ਮੈਂਸ਼ਨ ਕਰੋ। ਬੈਂਕ ਵਿੱਚ ਅਕਾਊਂਟ ਖੁੱਲ੍ਹਵਾਉਣ ਲਈ ਵੀ ਆਧਾਰ ਕਾਰਡ ਦੀ ਫੋਟੋਕਾਪੀ ‘ਤੇ ਇਸ ਦਾ ਜ਼ਿਕਰ ਕਰੋ ਕਿ ਇਹ XYZ ਵਿੱਚ ਬੈਂਕ ਅਕਾਊਂਟ ਖੁੱਲ੍ਹਵਾਉਣ ਲਈ ਦੇ ਰਹੇ ਹਨ।
